Vo aa ke khvab mei taskin-e-iztirab to de
Vale mujhe tapish-e-dil majal-e-khavab to de
Kare hai qatl lagavat mei tera ro dena
Teri tarah koi tegh-e-nigah ko aab to de
Dikha ke jumbish-e-lab hi tamam kar ham ko
Na de jo bosa to muh se kahin javab to de
Pila de ok se saaqi jo ham se nafrat hai
Piyala gar nahin deta na de sharab to de
'Asad' khushi se mere haath paanv phool gaye
Kaha jo us ne zara mere paanv daab to de
Ye kaun kahve hai abad kar hamen lekin
Kabhi zamana murad-e-dil-e-kharab to de
No comments
Post a Comment