TERE TAUSAN KO SABA BANDHTE HAIN

Tere tausan ko saba bandhte hain

Ham bhi mazmun ki hava bandhte hain

Aah ka kis ne asar dekha hai

Ham bhi ek apni hava bandhte hain

Teri fursat ke muqabil ai umr

Barq ko pa-ba-hina bandhte hain

Qaid-e-hasti se rihai malum

Ashk ko be-sar-o-pa bandhte hain

Nashsha-e-rang se hai vashud-e-gul

Mast kab band-e-qaba bandhte hain

Ghalati-ha-e-mazamin mat puchh

Log naale ko rasa bandhte hain

Ahl-e-tadbir ki vamandgiyan

Ablon par bhi hina bandhte hain

Saada purkar hain khuban 'Ghalib'

Mere hathon ko juda bandhte hain

Husn-e-afsurda-e-dili-ha-rangin

Shauq ko pa-ba-hina bandhte hain

Qaid mei bhi hai asiri azad

Chashm-e-zanjir ko va bandhte hain

Shaikh-ji kaabe ka jaana malum

Aap masjid mei gadha bandhte hain

Kis ka dil zulf se bhaga ki 'Asad'

Dast-e-shana ba-qaza bandhte hain

Tere bimar pe hain fariyadi

Vo jo kaghaz mei dava bandhte hain