Sharh-e-firaq madh-e-lab-e-mushkbu karen
Ghurbat-kade mei kis se teri guftugu karen
Yaar ashna nahin koi takraen kis se jaam
Kis dil-ruba ke naam pe khali subu karen
Siine pe haath hai na nazar ko talash-e-bam
Dil saath de to aaj gham-e-arzu karen
Kab tak sunegi raat kahan tak sunaen ham
Shikve-gile sab aaj tere ru-ba-ru karen
Hamdam hadis-e-ku-e-malamat sunaiyo
Dil ko lahu karen ya gareban rafu karen
Ashufta-sar hain muhtasibo munh na aaiyo
Sar bech den to fikr-e-dil-o-jan adu karen
'Tar'damani pe shaikh hamari na jaiyo
Daman nachod den to farishte vazu karen
No comments
Post a Comment