Qand-e-dahan kuchh is se ziyada
Lutf-e-sukhan kuchh is se ziyada
Fasl-e-khizan mei lutf-e-baharan
Barg-e-saman kuchh is se ziyada
Hal-e-chaman par talkh-navai
Murgh-e-chaman kuchh is se ziyada
Dil-shikani bhi dildari bhi
Yad-e-vatan kuchh is se ziyada
Sham-e-badan fanus-e-qaba mei
Khubi-e-tan kuchh is se ziyada
Ishq mei kya hai gham ke alava
Khvaja-e-man kuchh is se ziyada
No comments
Post a Comment