Ne'amatein baant ta jis samt woh zeeshan gaya
Saath hi munshi-e-rehmat ka qalam daan gaya
Le khabr jald ke ghairon kii taraf dhayaan gaya
Mere mawla, mere aaqa, tere qurbaan gaya
Aah woh aankh jo nakaame tamanna hi rahi
Haye wo dil jo tere darr se pur-armaan gaya
Dil hai vo dil jo teri yaad se mamoor raha
Sar hai vo sar jo tere qadmon pe qurbaan gaya
Unhe jaana, unhe maana na rakha gair se kaam
Lillahil hamd main duniya se musalmaan gaya
Aur tum par mere aaqa kii Inaayat ne sahii
Najdiyo kalimah parhaanay ka bhi ehsaan gaya
Aaj le unki panaah, aaj madad maang unse
Phir na manenge, qayamat mei agar maan gaya
Uff re munkir ye badha joshe ta-assub aakhir
Bheed me haath se kambakht ke imaan gaya
Jaan-o-dil hosh-o-khird sab tau madine pohonche
Tum nahin chalte Raza saara tou saamaan gaya
No comments
Post a Comment