Na ganvao navak-e-nim-kash dil-e-reza-reza ganva diya
Jo bache hain sang samet lo tan-e-dagh-dagh luta diya
Mere chara-gar ko naved ho saf-e-dushmanon ko khabar karo
Jo vo qarz rakhte the jaan par vo hisab aaj chuka diya
Karo kab jabin sar-e-kafan mere qatilon ko guman na ho
Ki ghurur-e-ishq ka bankpan pas-e-marg ham ne bhula diya
Udhar ek harf ki kushtani yahan laakh uzr tha guftani
Jo kaha to sun ke uda diya jo likha to padh ke mita diya
Jo ruke to koh-e-giran the ham jo chale to jaan se guzar gae
Rah-e-yar ham ne qadam qadam tujhe yadgar bana diya
No comments
Post a Comment