KYA HI ZAUK AFZA SHAF'AT HAIN TUMHARI WAH WAH

Kya hi zauk afza shaf'at hain tumhari wah wah

Karz leti hain gunah parhezgari wah wah

Khama-e-qudrat ka husn-e-dastkaari wah wah

Kya hi tasvir apne pyare ki savari wah wah

Ashk shab bhar intezar-e-afwe ummat mei bahen

Main fida chand aur yu Akhtar shumari wah wah

Ungliyan hain faiz par toote hain pyase jhum kar

Nadiyan panj aab-e-rehmat ki hain jaari wah wah

Noor ki khairaat lene daudte hain mehre maah

Uth'ti hain kis shaan se gard savari wah wah

Neem jalve ki na tab aaye qamar saa to sahi

Mehar aur un talvo ki aaina daari wah wah

Nafs ye kya zulm hain jab dekho taaza jurm hain

Naatwan ke sar par itni bojh bhari wah wah

Mujrimon ko dhundhti phirte hain rehmat ki nigah

Taaliye bargashta teri saazgari wah wah

Arz begi hain shafa'at afw ki sarkaar mei

Chhat rahi hain mujrimo ki fard saari wah wah

Kya madine mei saba aai ki phoolo mei hain aaj

Kuchh nai buu bhiini bhiini pyari pyari wah wah

Khud rahe parde mei aur aaina akse khaas ka

Bhej kar anjaano se ki rahdaari wah wah

Is taraf rouze ka noor us samt mimbar ki bahaar

Bichme jannat ki pyari pyari kyari wah wah

Sadqe is inaam ke qurbaan us ikraam ke

Ho rahi hain dono aalam mei tumhari wah wah

Para-e-dil bhi na nikla dil se tohfe mei Raza

Un sagane ku se itni jaan pyari wah wah