Khvab ki halaton ke saath teri hikayaton mei hain
Ham bhi dayar-e-ahl-e-dil teri rivayaton mei hain
Vo jo the rishta-ha-e-jan tuut bhala kahan
Jaan vo rishta-ha-e-jan ab bhi shikayaton mei hain
Ek ghubar hai ki hai daera-var pur-fishan
Qafila-ha-e-kahkashan tang hain vahshaton mei hain
Vaqt ki darmiyaniyan kar gaiin jan-kani ko jaan
Vo jo adavaten ki thiin aaj mohabbaton mei hain
Partav-e-rang hai ki hai diid mei jan-nashine-e-rang
Rang kahan hain runuma rang to nikhaton mei hain
Hai ye vajud ki numud apni nafas gurez
Vaqt ki saari bastiyan apni hazimaton mei hain
Gard ka saara khanuman hai sar-e-dasht-e-be-aman
Shahr hain vo jo har tarah gard ki khidmaton mei hain
Vo dil o jaan suraten jaise kabhi na thiin kahin
Ham unhin suraton ke hain ham unhin suraton mei hain
Main na sununga majra maarka-ha-e-shauq ka
Khoon gae hain raegan rang nadamaton mei hain
No comments
Post a Comment