Kaam mujh se koi hua hi nahin
Baat ye hai kimain to tha hi nahin
Mujh se bichhdi jo mauj-e-nikhat-e-yaar
Phir main us shahr mei raha hi nahin
Kis tarah tark-e-mudda kiije
Jab koi apna mudda hi nahin
Kaun huun main jo raegan hi gaya
Kaun tha jo kabhi mila hi nahin
Huun ajab aish-e-gham ki halat mei
Ab kisi se koi gila hi nahin
Baat hai raste pe jaane ki
Aur jaane ka rasta hi nahin
Hai khuda hi pe munhasir har baat
Aur aafat ye hai khuda hi nahin
Dil ki duniya kuchh aur hi hoti
Kya kahen apna bas chala hi nahin
Ab to mushkil hai zindagi dil ki
Yaani ab koi majra hi nahin
Har taraf ek hashr barpa hai
'Jaun' khud se nikal ke ja hi nahin
Mauj aati thi thaharne ki jahan
Ab vahan khema-e-saba hi nahin
No comments
Post a Comment