Jaane kahan gaya hai vo vo jo abhi yahan tha
Vo jo abhi yahan tha vo kaun tha kahan tha
Ta-lamha-e-guzishta ye jism aur saae
Zinda the raegan mei jo kuchh tha raegan tha
Ab jis ki diid ka hai sauda hamare sar mei
Vo apni hi nazar mei apna hi ik saman tha
Kya kya na khoon thuka main us gali mei yaaro
Sach janna vahan to jo fan tha raegan tha
Ye vaar kar gaya hai pahlu se kaun mujh par
Tha main hi daaen baaen aur main hi darmiyan tha
Us shahr ki hifazat karni thi ham ko jis mei
Andhi ki thiin fasilen aur gard ka makan tha
Thi ik ajab faza si imkan-e-khal-o-khad ki
Tha ik ajab musavvir aur vo mera guman tha
Umren guzar gai thiin ham ko yaqin se bichhde
Aur lamha ik guman ka sadiyon mei be-amaz tha
Jab dubta chala main tarikiyon ki tah mei
Tah mei tha ik daricha aur us mei asmaan tha
No comments
Post a Comment