Ham saada hi aise the ki yun hi pazirai
Jis baar khizan aai samjhe ki bahar aai
Ashob-e-nazar se ki ham ne chaman-arai
Jo shai bhi nazar aai gul-rang nazar aai
Ummid-e-talattuf mei ranjida rahe donon
Tu aur teri mahfil main aur meri tanhai
Yak jaan na ho sakiye anjam na ban sakiye
Yuun tuut gai dil mei shamshir-e-shanasai
Us tan ki taraf dekho jo qatl-gah-e-dil hai
Kya rakkha hai maqtal mei ai chashm-e-tamashai
No comments
Post a Comment