HAM NE SAB SHER MEI SANVARE THE

Ham ne sab sher mei sanvare the

Ham se jitne sukhan tumhare the

Rang-o-khushbu ke husn-o-khubi ke

Tum se the jitne istiare the

Tere qaul-o-qarar se pahle

Apne kuchh aur bhi sahare the

Jab vo laal-o-gohar hisab kiye

Jo tere gham ne gil pe vaare the

Mere daman mei aa gire saare

Jitne tasht-e-falak mei taare the

Umr-e-javed ki dua karte

'Faiz' tine vo kab hamare the