Ham ji rahe hain koi bahana kiye baghair
Us ke baghair us ki tamanna kiye baghair
Ambar us ka parda-e-hurmat bana miyan
Divar tak nahin giri parda kiye baghair
Yaran vo jo hai mera masiha-e-jan-o-dil
Be-had azeez hai mujhe achhha kiye baghair
Main bistar-e-khayal pe leta huun us ke paas
Subh-e-azal se koi taqaza kiye baghair
Us ka hai jo bhi kuchh hai mera aur main magar
Vo mujh ko chahiye koi sauda kiye baghair
Ye zindagi ko chahiye koi sauda kiye baghair
Vaada hamen qubul hai iifa kiye baghair
Ai qatilon ke shahr bas itni hi arz hai
Main hun na qatl koi tamasha kiye baghair
Murshid ke jhuut ki to saza be-hisab hai
Tum chhodiyo na shahr ko sahra kiye baghair
Un anganon mei kitna sukun o surur tha
Araish-e-nazar teri parva kiye baghair
Yaran khusha ye roz o shab-e-dil ki ab hamen
Sab kuchh hai khush-gavar gavara kiye baghair
Girya-kunan ki fard mei apna nahin hai naam
Ham girya-kun azal ke hain girya kiye baghair
Akhir hain kaun log jo bakhshe hi jaenge
Tarikh ke haram se tauba kiye baghair
Vo sunni bachcha kaun tha jis ki jafa ne 'Jaun'
Shiia bana diya hamen shiia kiye baghair
Ab tum kabhi na aaoge yaani kabhi kabhi
Rukhsat karo mujhe koi vaada kiye baghair
No comments
Post a Comment