Ham andhiyon ke ban mei kisi karvan ke the
Jaane kahan se aae hain jaane kahan ke the
Ai jan-e-dastan tujhe aaya kabhi khayal
Vo log kya huwe jo teri dastan ke the
Ham tere astan pe ye khane ko aae hain
Vo khaak ho gae jo tere astan ke the
Mil kar tapak se na hamen kijiye udaas
Khatir na kijiye kabhi ham bhi yahan ke the
Kya puchhte ho nam-o-nihsna-e-musafiran
Hindostan mei aae hain hindostan ke the
Ab khaak us rahi hai yahan intizar ki
Ai dil ye bam-o-dar kisi jan-e-jahan ke the
Ham kis ko den bhala dar-o-divar ka hisab
Ye ham jo hain zamin ke na the asman ke the
Ham se chhina hai naf-piyala tera miyan
Goya azal se ham saf-e-lab-tishnagan ke the
Ham ko haqiqaton ne kiya hai kharab-o-khvar
Gham khvab-e-khvab aur guman-e-guman ke the
Sad-yad-e-yad 'Jaun' vo hamgam-e-dil ki jab
Ham ek gaam ke na the par haft-khvan ke the
Vo rishta-ha-e-zat jo barbad ho gae
Mere guman ke the ki tumhare guman ke the
No comments
Post a Comment