Hajiyon aao shahanshah ka Rouza dekho
Qaaba to dekh chuke Qaabe-ka-Qaaba dekho
Rukhne shaami se miti waah-shate shaame gurbat
Ab Madine ko chalo subhe dil aara dekho
Aabe zam-zam to piyaa khoob bujhaai pyaase
Aao joode shaahe kousar ka bi darya dekho
Zayre mizaab mile khoob karamke chhiinte
Abr-e-rahmat ka yahan zor barasna dekho
Khoob aankhon se lagaya he gilaafe Qaaba
Kasre mehboob ke parde ka bhi jalwa dekho
Ziinate Qaabe mei tha laakh arooso ka banaw
Jalva farma yaha kounain ka dulha dekho
Dho chuka zulmate dil bosaa-e-sange aswad
Khaak bosi-e-madina ka bhi rutbaa dekho
Jumma-e-makkah tha Eid, ahle ibaadat ke liye
Mujrimo, aao yahan eide do shamba dekho
Raqse bismil ki bahaare to minaa mei dekhi
Dil khonaa be fishaa ka bhi tarapna dekho
Gaur se sun to Raza kaabe se aati hai sadaa
Meri aankho se mere pyaare ka Rouza dekho
No comments
Post a Comment