Ab jo ik hasrat-e-javani hai
Umr-e-rafta ki ye nishani hai
Rashk-e-yusuf hai aah vaqt-e-aziz
Umr ik bar-e-karvani hai
Girya har vaqt ka nahin be-hech
Dil mei koi gham-e-nihani hai
Ham qafas-zad qaidi hain varna
Ta chaman ek par-fishani hai
Us ki shamshir tez hai hamdam
Mar rahenge jo zindagani hai
Gham-o-ranj-o-alam niko yaan se
Sab tumhari hi mehrbani hai
Khaak thi maujzan jahan mei aur
Ham ko dhoka ye tha ki paani hai
Yaan huwe 'Meer' tum barabar khaak
Vaan vahi naaz o sargirani hai
No comments
Post a Comment