Bheeni suhani subh mei thandak jigar ki hai
Kaliyaan khili dilo ki hawa ye kidhar ki hai
Khubti huwi nazar mei adaa kis shahar ki hai
Chubhti huwi jigar mei sadaa kis gajar ki hai
Daalen hari hari hai to baale bhari bhari
Kishte amal pari hai ye barish kidhar ki hai
Hum jaye aur qadam se lipat kar haram kahe
Sounpa khuda ko ye azmat kis safar ki hai
Hum girde kaaba phirte the kal tak aur aaj woh
Hum par nisaar hai ye iradat kidhar ki hai
Kalik jabeen ki sajdaaye dar se chhudaavoge
Mujh ko bhi le chalo ye tamanna hajar ki hai
Dooba huwa hai shouq mei zam zam aur aankh se
Jhaale baras rahe hai ye hasrat kidhar ki hai
Barsa ke jaane walo pa ghouhar karu nisaar
Abr-e-karam se arz ye mizaabe zar ki hai
Aagosh-e-shouq khole hai jin ke liye hateem
Wo phir ke dekhte nahin ye dhun kidhar ki hai
haan haan rahe Madina hai ghafil zara tu jaag
Wo paanv rakhne wale ye jaa chashm-o-sar ki hai
Waaru qadam qadam pa ke har dam hai jaane nao
Ye raahe jaan fiza mere moula ke dar ki hai
Ghadiya gini hai barso ke ye shubh ghadi phiri
Marmar ke phir ye sil mere seene se sar ki hai
Allaho Akbar apne qadam aur ye khaake pak
Hasrat malaika ko jahan waze sar ki hai
Meraaj ka sama hai kaha pahonche zaeroo
Kursi se onchi kursi usi pak ghar ki hai
Ushhaq rouza sajde mei sue haram jhuke
Allah jaanta hai ke niyyat kidhar ki hai
Ye ghar ye dar hai uska jo ghar dar se paak hai
Muzhdah ho be-gharo ke salaa achche ghar ki hai
Mehboobe rabbe arsh hai is sabz qubba mei
Pahlu mei jalwa gah ateeqo umar ki hai
Chaye malaika hai lagaatar hai durood
Badle hai pahre badli mei barish durar ki hai
Sadaen ka qiraan hai pahluye maah mei
Jhurmut kiye hai taare tajalli qamar ki hai
Sattar hazaar subh mei sattar hazaar shaam
Yun bandagiye zulfo rukh aatho pahar ki hai
Jo ek baar aye dobara na aaenge
Rukhsat hi bargah se bas is qadar ki hai
Tadpa kare badal ke phir aana kahan naseeb
Be hukm kab majaal parinde ko par ki hai
Ae wae beikasiye tamanna ke ab ummeed
Din ko na shaam ki hai na shab ko sahar ki hai
Ye badliyan na ho to karodon ki aas jaye
Aur bargaahe marhamate aam tar ki hai
Masoom ko hai umr mei sirf ek bar bar
Aasi pade rahe to sila umr bhar ki hai
Zinda rahe to haazriye baargaah naseeb
Mar jae to hayaate abad aysh ghar ki hai
Muflis aur aise dar se phire be-ghani huwe
Chandi har ek tarah to yahan gadiya gar ki hai
Jaana pe takiya khaak nihali hai dil nihaal
Han be-nawa-o khoob ye sorat guzar ki hai
Hai chatro takht saya-e-divaaro khaake dar
Shaho ko kab naseeb ye dhaj karro far ki hai
Iss paak ku mei khaak ye basar sar-ba-khaak hai
Samjhe hai kuchh yahi jo haqiqat basar ki hai
Kyun taajdaaro, khvab mei dekhi kabhi ye shai
Jo aaj jholiyo mei gadhayaane dar ki hai
Jaaru-kasho mei chehre likhe hai mulook ke
Wo bhi kaha naseeb naam bhar ki hai
Taiba mei mar ke thande chale jaav aankhen bandh
Sidhe sadak ye shahre shafat nagar ki hai
Aesi bhi hai chahite ye taiba hai zahido
Makka nahi ke jaanch jaha khair o shar ki hai
Shaane jamaal taiba jana hai nafa mahaz
Wusaat jalale Makka mei soodo zar ki hai
Kaaba hai beshak anjum-aara dulhan magar
Saari bahar dhulhano mei dulha ke ghar ki hai
Kaaba dulhan hai turbate at-har nayi dulhan
Ye rashk-e-aftaab wo ghairat qamar ki hai
Dono bani sajeeli aneeli bani magar
Jo pe'ke paas hai wo suhagan kunwar ki hai
Sar sabze wasl ye hai siyaa poshe hijr wo
Chamki dupatto se hai jo haalat jigar ki hai
Ma wo shuma to kya ke khaleel-e-jaleel ko
Kal dekhna ki unse tamanna nazar ki hai
Apna sharaf dua se hai baaki raha kabool
Ye jaane unke haath kunji asar ki hai
Jo chahe unse maang ki dono jahan ki khair
Zar na-khareeda ek kaneez unke ghar ki hai
Roomi ghulam din habshi baandiyan shabe
Ginti kaneez zaado mei shaamo sahar ki hai
Itna ajab bulandiye jannat pe kis liye
Dekha nahi ke bheek ye kis unche ghar ki hai
Arshe bari pe kyu na ho firdous ka dimaagh
Utri huwei shabeeh tere baamo dar ki hai
Wo khuld jis mei utregi Abrar ki baraat
Adna nichawar uss mere dulha ke sar ki hai
Amber zameen abeer huwa mushke-tar gubaar
Adna si ye shanaakht teri rahguzar ki hai
Sarkaar hum gawaro mei tarze adab kahan
Humko to bas tameez yahi bheek bhar ki hai
Maangenge maange jaenge muh maangi paenge
Sarkar mei na laa hai na hajat agar ki hai
Uff be-hayayi'aa ke ye muh aur tere huzoor
Ha tu kareem hai teri khu'dar guzar ki hai
Jaavu kahan pukaru kise kiska muh taku
Kia pursish aur ja'bhi sage be-hunar ki hai
Baab-e-ata to ye hai jo bahka idhar udhar
Kaisi kharaabi uss naghare dar-ba-dar ki hai
Aabad ek dar hai tere aur tere siwa
Jo baargah dekhiye ghairat khandar ki hai
Lub wa hai aankhe bandh hai phaeli hai jholiya
Kitne maze ki bheej tere paak dar ki hai
Ghere andheriyo ne duhee hai chand ki
Tanha hu kaali raat hai mazil khatar ki hai
Kismat mei laakh pech ho sau bal hazaar kaj
Ye saari ghutthi ik teri seedhi nazar ki hai
Jannat na de na de teri ruyat ho khair se
Is ghul ke aage kisko hawas bargho bar ki hai
Mai khana-zaad kohna hu surat likhi huwe
Bando kaneezo mei mere madar pedar ki hai
Maangta ka haath uth-te hi daata ki dayn thi
Doori qubool-o-arz mei bas haath bhar ki hai
Sanki wo dekh baad-e-shafat ki de hawa
Ye abru Raza tere damaane-tar ki hai
No comments
Post a Comment