Guftugu jab muhal ki hogi
Baat us ki misal ki hogi
Zindagi hai khayal ki ik baat
Jo kisi be-khayal ki hogi
Thi jo khushbu saba ki chadar mei
Vo tumhari hi shaal ki hogi
Na samjh paenge vo ahl-e-firaq
Jo aziyyat visal ki hogi
Dil pe taari ik kamal-e-janan ki
Vo udasi kamal ki hogi
Aaj kahna hai dil ko haal apna
Aaj to sab ke haal ki hogi
Ho chuka main so fikr yaron ko
Ab meri dekh-bhal ki hogi
Ab khalish kya firaq ki us ke
Ik khalish mah-o-sal ki hogi
Kufr-o-iman kaha gaya jis ko
Baat vo khadd-o-khal ki hogi
'Jaun' dil ke khutan mei aaya hai
Har ghazal ik ghazal ki hogi
Kab bhala aaegi javab ko raas
Jo bhi halat saval ki hogi
No comments
Post a Comment