Gaahe gaahe bas ab yahi ho kya
Tum se mil kar bohot khushi ho kya
Mil rahi ho bade tapak ke saath
Mujh ko yaksar bhula chuki ho kya
Yaad hain ab bhi apne khvab tumhen
Mujh se mil kar udaas bhi ho kya
Bas mujhe yunhi ik khayal aaya
Sochti ho to sochti ho kya
Ab meri koi zindagi hi nahin
Ab bhi tum meri zindagi ho kya
Kya kaha ishq javedani hai!
Akhri baar mil rahi ho kya
Haan faza yaan ki soi soi si hai
To bohot tez roshni ho kya
Mere sab tanz be-asar hi rahe
Tum bohot duur ja chuki ho kya
Dil mei ab soz-e-intizar nahin
Sham-e-ummid bujh gai ho kya
Is samundar pe tishna-kam huun main
Baan tum ab bhi bah rahi ho kya
No comments
Post a Comment