Furqat mei vaslat barpa hai allah-hu ke baade mei
Ashob-e-vahdat barpa hai allah-hu ke baade mei
Ruh-e-kul se sab ruhon par vasl ki hasrat taari hai
Ik sar-e-hikmat barpa hai allah-hu ke baade mei
Be-ahvali ki halat hai shayad ya shayad ki nahin
Par ahvaliyyat barpa hai allah-hu ke baade mei
Mukhtari ke lab silvana jabr ajab-tar thahra hai
Haijan-e-ghairat barpa hai allah-hu ke baade mei
Baaba alif irshad-kunan hain pesh-e-adam ke baare mei
Hairat be-hairat barpa hai allah-hu ke baade mei
Maani hain lafzon se barham qahr-e-khamoshi aalam hai
Ek ajab hujjat barpa hai allah-hu ke baade mei
Maujudi se inkari hai apni zid mei naz-e-vajud
Halat si halat barpa hai allah-hu ke baade mei
No comments
Post a Comment