Arsh ki aql dang hai charkh pe asmaan hai
Jane muraad ab kidhar hae tera makaan hai
Bazme sana-e-zulf mei meri aruse fikr ko
Saari bahaar-e-hasht khuld chota sa itrdaan hai
Arsh pe jaake murge aql thak ke gira gash aa gaya
Aur abhi manzilo pare pehla hi aastaan hai
Arsh pe taaja cher chaar farsh pe turfa dhoom dhaam
Kaan jidhar lagaiye teri hi daantaan hai
Ik tere rukh ki roshni hai do jahan ki
Ins ka uns usi se hai jaan ki wo hi jaan hai
Wo jo na the to kuchh na tha wo jo na ho to kuch na ho
Jaan hai wo jahan ki jaan hai to jahan hai
Ghod mei aalam-e-shabab haal-e-shabaab kuch na puch
Ghulbune baagh-e-noor ki aur hi kuch uthan hai
Tujhsa siyahkaar kaun unsa shafea hai kaha
Phir wo tujhi ko bhool jae dil ye tera ghuman hai
Peshe nazar wo nau bahaar sajde ko dil hai bekaraar
Rokiye sar ko rokiye ha yahi imtehaan hai
Shaan-e-khuda na saath de unke kheram ka wo baaz
Sidra se ta zamee jise narm si ek udaan hai
Baare jalaal utha liya garche kaleja shak hua
Ye to ye maahe sabz rang nazro mei dhaan pan hai
Khouf na rakh Raza zara tu to hai abad-e-Mustafa
Tere liye amaan hai tere liye amaan hai
No comments
Post a Comment