Dil ke mamure ki mat kar fikr fursat chahiye
Aise virane ke ab basne ko muddat chahiye
Ishq-o-mai khvari nibhe hai koi darveshi ke bich
Is tarah ke khraj-e-la-hasil ko daulat chahiye
Aqibat farhad mar kar kaam apna kar gaya
Aadmi hove kisi peshe mei jurat chahiye
Ho taraf mujh pahlvan shaer ka kab aajiz sukhan
Samne hone ko sahab fan ke qudrat chahiye
Ishq mei vasl-o-judai se nahin kuch guftugu
Qurb-o-bad us ja barabar hai mohabbat chahiye
Nazuki ko ishq mei kya dakhl hai ab bul-havas
Yaan saubat khinche ko ji mei taqat chahiye
Tang mat ho ibtida-e-ashiqui mei is qadar
Khairiyat hai 'Meer' sahib-e-dil salamat chahiye
No comments
Post a Comment