Dil ka dayar-e-khvab mei duur talak guzar raha
Paanv nahin the darmiyan aaj bada safar raha
Ho na saka hamen kabhi apna khayal tak nasib
Naqsh kisi khayal ka lauh-e-khayal par raha
Naqsh-garon se chahiye naqsh o nigar ka hisab
Rang ki baat mat karo ran bohot bikhar raha
Jaane guman ki vo gali aisi jagah hai kaun si
Dekh rahe ho tum ki main phir vahin ja ke mar raha
Dil mere dil mujhe bhi tum apne khvas mei rakho
Yaran tumhare baab mei main hi na motabar raha
Shahr-e-firaq-e-yar se aai hai ik khabar mujhe
Kucha-e-yad-e-yar se koi nahin ubhar raha
No comments
Post a Comment