Dil ki har baat dhyan mei guzri
Saari hasti guman mei guzri
Azal-e-dastan se is dam tak
Jo bhi guzri ik aan mei guzri
Jism muddat teri uqubat ki
Ek ik lamha jaan mei guzri
Zindagi ka tha apna aish magar
Sab ki sab imtihan mei guzri
Haae vo navak-e-guzarish-e-rang
Jis ki jumbish kaman mei guzri
Vo gadai gali ajab thi ki vaan
Apni ik an-ban mei guzri
Yun to ham dam-ba-dam zamin pe rahe
Umr sab asman mei guzri
Jo thi dil-taeron ki mohlat-e-bud
Ta zamin vo udaan mei guzri
Buud to ik takan hai so khuda
Teri bhi kya takan mei guzri
No comments
Post a Comment