Dair-o-haram se guzre ab dil hai ghar hamara
Hai khatm us aable par sair-o-safar hamara
Palkon se teri ham ko kya chashm-dasht ye thi
Un barchhiyon ne banta baham jigar hamara
Duniya-o-din ki janib mailan ho to kahiye
Kya janiye ki is bin bil hai kidhar hamara
Hain tere aine ki timsal ham na puchho
Is dasht mei nahin hai paida asar hamara
Jon subh ab kahan hai tul-e-sukhan ki fursat
Qissa hi koi dam ko hai mukhtasar hamara
Kuche mei us ke ja kar banta nahin phir aana
Khoon ek din girega us khaak par hamara
Hai tera-roz apna ladkon ki dosti se
Us din hi ko kahe tha aksar pidar hamara
Sailab har taraf se aaenge badiye mei
Jon abr rote hoga jis dam guzar hamara
Nashv-o-numa hai apni jon gard-bad anokhi
Balida khaak rah se hai ye shajar hamara
Yun duur se khade ho kya moatabar hai rona
Daman se bandh daman ai abr-e-tar hamara
Jab paas raat rahna aata hai yaad us ka
Thamta nahin hai rona do dopahar hamara
Us karvan-sara mei kya 'Meer' baar kholen
Yaan kuchh lag raha sham-o-sahar hamara
No comments
Post a Comment