Chori mei dil ki vo hunar kar gaya
Dekhte hi aankhon mei ghar kar gaya
Dahr mei main khaak-basar hi raha
Umr ko is taur basar kar gaya
Dil nahin hai manzil-e-sina mei ab
Yaan se vo bechara safar kar gaya
Haif jo vo nushka-e-dil ke upar
Sarsari si ek nazar kar gaya
Kis ko mere haal se thi agahi
Nala-e-shab ko khabar kar gaya
Go na chala ta-mizha-e-tir-e-nigah
Apne jigar se tu guzar kar gaya
Majlis-e-afaq mei parvana saan
'Meer' bhi shaam apni sahar kar gaya
No comments
Post a Comment