Chalte ho to chaman ko chaliye kahte hain ki baharan hai
Paat hare hain phool khile hain kam kam bad-o-baran hai
Rang hava se yun tapke hai jaise sharab chuvate hain
Aage ho mai-khane ke niklo ahd-e-bada-gusaran hai
Ishq ke maidan-daron mei bhi marne ka hai vasf bohot
Yaani musibat aisi uthana kar-e-kar-guzaran hai
Dil hai daagh jigar hai tukde aansu saare khoon huwe
Lohu paani ek kare ye ishq-e-lala-azaran hai
Kohkan o majnun ki khatir dasht-o-koh mei ham na gae
Ishq mei ham ko 'Meer' nihayat pas-e-izzat-daran hai
No comments
Post a Comment