CHAAK PAR CHAAK HUWA JUUN JUUN SULAYA HAM NE

Chaak par chaak huwa juun juun sulaya ham ne

Is gareban hi se ab haath uthaya ham ne

Hasrat-e-lutf-e-azizan-e-chaman ji mei rahi

Sar pe dekha na gul-o-sarva ka saaya ham ne

Ji mei tha arsh pe ja bandhiye takiya lekin

Bistara khaak hi mei ab to bichhaya ham ne

Baad yak umr kahin tum ko jo tanha paaya

Darte darte hi kuchh ahval sunaya ham ne

Yaan faqat rekhta hi kahne na aae the ham

Chaar din ye bhi tamasha sa dikhaya ham ne

Baare kal baagh mei ja murgh-e-chaman se mil kar

Khubi-e-gul ka maza khoob udaya ham ne

Tazgi daagh ki har shaam ko be-hech nahin

Aah kya jaane diya kis ka bujhaya ham ne

Dasht-o-kohsar mei sar maar ke chande tujh bin

Qais-o-farhad ko phir yaad dilaya ham ne

Bekali se dil-e-betab ki mar guzre the

So tah-e-khak bhi aram na paaya ham ne

Ye sitam taaza hua aur ki paiz mei 'Meer'

Dil khas-o-khar se na-char lagaya ham ne