Be-qarari si be-qarari hai
Vasl hai aur firaq taari hai
Jo guzari na ja saki ham se
Ham ne vo zindagi guzari hai
Nighare kya huwe ki logon par
Apna saaya bhi ab to bhari hai
Bin tumhare kabhi nahin aai
Kya meri niind bhi tumhari hai
Aap mei kaise aaun main tujh bin
Saand jo chal rahi hai aari hai
Us se kahiyo ki dil ki galiyon mei
Raat din teri intizari hai
Hijr ho ya visal ho kuchh ho
Ham hain aur us ki yadgari hai
Ik mahak samt-e-dil se aai thi
Main ye samjha teri savari hai
Hadson ka hisab hai apna
Varna har aan sab ki baari hai
Khush rahe tu ki zindagi apni
Umr bhar ki umiid-vari hai
No comments
Post a Comment