Be-dili kya yuhi din guzar jaenge
Sirf zinda rahe ham to mar jaenge
Raqs hai rang par rang ham-raqs hain
Sab bichhad jaenge sab bikhar jaenge
Ye kharabatiyan-e-khirad-bakhta
Subh hote hi sab kaam par jaenge
Kitni dilkash ho tum kitna dil-ju hun main
Kya sitam hai ki ham log mar jaenge
Hai ghanimat ki asrar-e-hasti se ham
Be-khabar aae hain be-khabar jaenge
No comments
Post a Comment