Bazm se jab nigar uthata hai
Mere dil se ghubar uthata hai
Main jo baitha hun to vo khush-qamat
Dekh lo baar baar uthta hai
Teri surat ko dekh kar meri jaan
Khud-bakhud dil mei pyaar uthta hai
Us ki gul-gasht se ravish-ba-ravish
Rang hi rang yaar uthta hai
Tere jaate hi is kharabe se
Shor-e-girya hazar uthta hai
Kaun hai jis ko jaan azeez nahin
Le tera jan-nisar uthta hai
Saf-ba-saf aa khade huwe hain ghazal
Dasht se khaksar uthta hai
Hai ye tesha ki ek shoala sa
Bar-sar-e-kohsar uthta hai
Karb-e-tanhai hai vo shai ki khuda
Aadmi ko pukar uthta hai
Tu ne phir kasb-e-zar ka zikr kiya
Kahin ham se ye baar uthta hai
Lo vo majbur shahr-e-sahra se
Aaj divana-var uthta hai
Apne yaan to zamane valon ka
Roz hi eitbar uthta hai
'Jaun' uthta hai yun kaho yaani
'Meer'-o-'Ghalib' ka yaar uthta hai
No comments
Post a Comment