Baare duniya mei raho gham-zada ya shaad raho
Aisa kuchh kar ke chalo yaan ki bohot yaad raho
Ishq-peche ki tarah husn-e-giraftari hai
Lutf kya sarv ki manind gar azad raho
Ham ko divangi shahron hi mei khush aati hai
Dasht mei qais raho koh mei farhad raho
Vo garan khvab jo hai naaz ka apne so hai
Daad be-dad raho shab ko ki fariyad raho
'Meer' ham mil ke bohot khush huwe tum se pyare
Is kharabe mei meri jaan tum abad raho
No comments
Post a Comment