Ba-ha gor-e-dil jhanka laaya
Ab ke shart-e-vafa baja laaya
Qadr rakhti na thi mata-e-dil
Saare aalam mei main dikha laaya
Dil ki yak qatra khoon nahin hai besh
Ek aalam ke sar bala laaya
Sab pe jis baar ne girani ki
Us ko ye na-tavan utha laaya
Dil mujhe us gali mei le ja kar
Aur bhi khaak mei mila laaya
Ibtida hi mei mar gae sab yaar
Ishq ki kaun intiha laaya
Ab to jaata hain but-kade se 'Meer'
Phir milenge agar khuda laaya
No comments
Post a Comment