Ba-rang-e-bu-e-gul us baagh ke ham ashna hote
Ki hamrah-e-saba tuk sair karte phir hava hote
Sarapa aarzu hone ne banda kar diya ham ko
Vagarna ham khuda the gar dil-e-be-muddaa hote
Falak ai kaash ham ko khaak hi rakhta ki is mei ham
Ghubar-e-rah hote ya kasu ki khak-e-pa hote
Ilahi kaise hote hain jinhen hai bandagi khvahish
Hamen to sharm daman-gir hoti hai khuda hote
Tu hai kis nahiye se ai dayar-e-ishq kya janun
Tere bashindagan ham kaash saare bevafa hote
Ab aise hain ki sanea ke mizaj uupar bahan pahunche
Jo khatir-khvah apne ham huwe hote to kya hote
Kahin jo kuchh malamat gar baja hai 'Meer' kya janen
Unhen maalum tab hota ki vaise se juda hote
No comments
Post a Comment