Andoh se hui na rihai tamam shab
Mujhe dil-zada ko neend na aai tamam shab
Jab main shuru qissa kiya ankhen khol diin
Yaani thi mujh ko chashm-numai tamam shab
Chashmak chali gai thi sitaron ki subh tak
Ki asman ne dida-darai tamam shab
Bakht-e-siyah ne der mei kal yavari si ki
Thi dushmanon se us ko ladai tamam shab
Baithe hi guzre vaade ki shab vo na aa phira
Iiza ajab tarah ki uthai tamam shab
Sannahaten se dil su guzar jaaen so kahan
Bulbul ne go ki nala-sarai tamam shab
Taare se meri palkon pe qatre sarishk ke
Dete rahe hain 'Meer' dikhai tamam shab
No comments
Post a Comment