Ashk ankhon mei kab nahin aata
Lohu aata hai jab nahin aata
Hosh jaata nahin raha lekin
Jab vo aata hai tak nahin aata
Sabr tha ek monis-e-hijran
So vo muddat se ab nahin aata
Dil se rukhsat hui koi khvahish
Girya kuchh be-sabab nahin aata
Ishq ko hausla hai shart arna
Baat ka kis ko dhab nahin aata
Ji mei kya kya hai apne ai hamdam
Par sukhan ta-ba-lab nahin aata
Duur baitha ghubar-e-'Meer' us se
Ishq bin ye adab nahin aata
No comments
Post a Comment