HAM PAR JAFA SE TARK-E-VAFA KA GUMAN NAHIN

Ham par jafa se tark-e-vafa ka guman nahin

Ik chhed hai vagarna murad imtihan nahin

Kis muh se shukr kijiye is lutf-e-khas ka

Purish hai aur pa-e-sukhan darmiyan nahin

Ham ko sitma azeez sitamgar ko ham azeez

Na-mehrbaan nahin hai agar mehrbaan nahin

Bosa nahin na dijiye dushnaam hi sahi

Akhir zaban to rakhte ho tum gar dahan nahin

Har-chand jaan-gudazi-e-qahr-o-itaab hai

Har-chand pusht-e-garmi-e-tab-o-tavaan nahin

Jaan mutrib-e-tarana-e-hal-mim-mazid hai

Lab parda-sanj-e-zamzama-e-al-aman nahin

Khanjar se cheer seena agar dil na ho do-neem

Dil mei chhuri chubho mizha gar khoon-chakan nahin

Hai nang-e-seena dil agar atish-kada na ho

Hai ar-e-dil nafas agar azar-fishan nahin

Nuqsan nahin junun mei bala se ho ghar kharab

Sau gaz zameen ke badle bayaban giran nahin

Kahte ho kya likha hai teri sarnavisht mei

Goya jabin pe sajda-e-but ka nishan nahin

Paata hun us se daad kuchh apne kalam ki

Ruhul-qudus agarche mera ham-zaban nahin

Jaan hai baha-e-bosa vale kyun kahe abhi

'Ghalib' ko janta hai ki wo nim-jan nahin

Jis ja ki pa-e-sail-e-bala darmiyan nahin

Divanagan ko vaan havas-e-khanman nahin

Gul ghunchagi mei gharqa-e-dariya-e-rang hai

Aai agahi fareb-e-tamasha kahan nahin

Kis jurm se hai chashm tujhe hasrat qubut

Barg-e-heena magar mizha-e-khoon-fishan nahin

Har rang-e-gardish aaina ijaad-e-dard hai

Ashq-e-sahab juz ba-veeda-e-khizan nahin

Juz ijz kya karun ba-tamanna-e-be-khudi

Taqat harif-e-sakhti-e-khwaab-e-giran nahin

Ibaarat se puchh dard-e-pareshani-e-nigah

Ye gard-e-vahm juz basar-e-imtihan nahin

Barq-e-ba-jan-e-hausla atish-fagan 'Asad'

Aai dil-fasurda taqat-e-zabt-e-fughan nahin