Gham-ba-dil shukr-ba-lab mast o ghazal-khvan chaliye
Jab tilak saath tire umr-e-gurezan chaliye
Rahmat-e-haq se jo is samt kabhi raah mile
Su-e-jannat bhi ba-rah-e-rah-e-janan chaliye
Nazr mange jo gulistan se khuda-vand-e-jahan
Saghar-e-mai men liye khoon-e-baharan chaliye
Jab satane lage be-rangi-e-deewar-e-jahan
Naqsh karne koi tasvir-e-hasinan chaliye
Kuchh bhi ho aaina-e-dil ko musaffa rakhiye
Jo bhi guzre masal-e-khusrav-e-dauran chaliye
Imtihan jab bhi ho manzur jigar-daron ka
Mahfil-e-yar mei ham-rah-e-raqiban chaliye
