Gar tujh ko hai yaqin-e-ijabat dua na maang
Yaani baghair-e-yak-dil-e-be-mudda na maang
Aata hai dagh-e-hasrat-e-dil ka shumar yaad
Mujh se mere gunah ka hisab ai khuda na maang
Aai aarzu shahid-e-vafa khoon-baha na maang
Juz bahr-e-dost-o-bazu-e-qatil dua na maang
Barham hai bazm-e-ghuncha ba-yak-jumbish-e-nashat
Kashana bas-ki tang hai ghafil hava na maang
Mae dur gard-e-arz-e-rusum-e-niyaz hun
Dushman samajh vale nigah-e-ashna na maang
Yak-bakht auj nazr-e-subuk-bari-e-'Asad'
Sar par vabal-e-saya-e-bal-e-huma na maang
