Dost gham-khvari mei meri saii farmavenge kya
Zakhm ke bharte talak nakhun na badh javenge kya
Be-niyazi had se guzri banda-parvar kab talak
Ham kahenge hal-e-dil aur aap farmavenge kya
Hazrat-e-naseh gar aaven deeda o dil farsh-e-rah
Koi mujh ko ye to samjha do ki samjhavenge kya
Aaj wahan tegh o kafan baandhe huwe jaata hun maen
Uzr mere qatl karne mei wo ab lavenge kya
Gar kiya naseh ne ham ko qaid achchha yun sahi
Ye junun-e-ishq ke andaz chhut javenge kya
Khana-zad-e-zulf hain zanjir se bhagenge kyunn
Hain giraftaar-e-wafa zindan se ghabravenge kya
Hai ab is mamure mei qaht-e-gham-e-ulfat 'Asad'
ham ne ye maana ki dilli mei rahen khavenge kya
