Donon jahan teri mohabbat mei haar ke
Wo ja raha hai koi shab-e-gham guzar ke
Viraan hai mai-kada khum-o-saghar udaas hain
Tum kya gae ki ruth gae din bahaar ke
Ik fursat-e-gunah mili wo bhi chaar din
Dekhe hain ham ne hausle parvardigar ke
Duniya ne teri yaad se begana kar diya
Tujh se bhi dil-fareb hain gham rozgaar ke
Bhule se muskura to diye the wo aaj 'Faiz'
Mat puchh valvale dil-e-na-karda-kaar ke
