Bad-dili mei be-qarari ko qarar aaya to kya
Pa-piyada ho ke koi shahsavar aaya to kya
Zindagi ki dhoop mei murjha gaya mera shabab
Ab bahar aai to kya abr-e-bahar aaya to kya
Mere tevar bujh gaye meri nigahen jal gayi
Ab koi aaina-ru aaina-dar aaya to kya
Ab ki jab janana tum ko hai sabhi par eitbaar
Ab tumhen janana pe jab eitbaar aaya to kya
Ab mujhe khud apni bahon par nahin hai ikhtiyaar
Haath phailae koi be-ikhtiyaar aaya to kya
Wo to ab bhi khwaab hai bedar binaai ka khwaab
Zindagi mei khwaab mei us ke guzar aaya to kya
Ham yahan hai be-gunah so ham mei se 'Jaun-Elia'
Koi jeet aaya yahan aur koi haar aaya to kya
