Apni manzil ka rasta bhejo
Jaan ham ko wahan bula bhejo
Kya hamara nahin raha sawan
Zulf yahan bhi koi ghata bhejo
Nai kaliyan ko ab khili hain wahan
Un ki khushbu ko ik zara bhejo
Ham na jeete hain aur na marte hain
Dard bhejo na tum dava bhejo
Dhool udti hai jo us angan mei
Us ko bhejo saba saba bhejo
Ai faqiron gali ke us gul ki
Tum hamen qpni khaak-e-pa bhejo
Shafaq-e-sham-e-hijr ke haathon
Apni utri hui qaba bhejo
Kuchh to rishta hai tum se kam-bakhton
Kuchh nahin koi bad-dua bhejo
