Apna khaka lagta hun
Ek tamasha lagta hun
Aainon ko zang laga
Ab maen kaisa lagta hun
Ab maen koi shakhs nahin
Us ka saay lagta hun
Saare rishte tishna hain
Kya maen dariya lagta hun
Us se gale mil kar khud ko
Tanha tanha lagta hun
Khud ko maen sab ankhon mei
Dhundla dhundla lagta hun
Maen har lamha is ghar se
Jaane waale lagta hun
Kya huwe wo sab log ki maen
Soona soona lagta hun
Maslahat is mei kya hai meri
Toota phoota lagta hun
Kya tum ko is haal mei bhi
Maen duniya ka lagta hun
Kab ka rogi hun waise
Shahr-e-masiha lagta hun
Mera taalu tar kar do
Sach-much pyasa lagta hun
Mujh se kama lo kuchh paise
Zinda murda lagta hun
Maen ne sahe hain makr apne
Ab bechara lagta hun
