Aap ki yaad aati rahi raat bhar
Chandni dil dukhati rahi raat bhar
Gaah jalti hui gaah bujhti hui
Sham-e-gham jhilmilati rahi raat bhar
Koi khushbu badalti rahi pairahan
Koi tasvir gaati rahi raat bhar
Phir saba saya-e-shakh-e-gul ke tale
Koi qissa sunati rahi raat bhar
Jo na aaya oose koi zanjir-e-dar
Har sada par bulati rahi raat bhar
Ek ummeed se dil bahalta raha
Ek tamanna satati rahi raat bhar
