Aakhri baar aah kar li hai
Maene khud se nibaah kar li hai
Apne sar ek bala to leni thi
Maene wo zulf apne sar li hai
Din bhala kis tarah guzaaroge
Vasl ki shab bhi ab guzar li hai
Jaan-nisaron pe waar kya karna
Maene bas haath mei sipar li hai
Jo bhi maango udhaar dunga maen
Us gali mei dukaan kar li hai
Mere kashkol kab se khali tha
Maene is mei sharab bhar li hai
Aur to kuch nahi kiya maene
Apni halat tabah kar li hai
Shaikh aaya tha mohtasib ko liye
Maene bhi un ki wo khabar li hai
