Vo buton ne daale hain vasvase ki dilon se khauf-e-khuda gaya
Vo padi hain roz qayamaten ki khayal-e-roz-e-jaza gaya
Jo nafas tha khar-e-gulu bana jo uthe the haath lahu hue
Vo nashat-e-ah-e-sahr gai vo vaqar-e-dast-e-dua gaya
Na vo rang fasl-e-bahar ka na ravish vo abr-e-bahar ki
Jis ada se yaar the ashna vo mizaj-e-bad-e-saba gaya
Jo talab pe ahd-e-vafa kiya to vo abru-e-vafa gai
Sar-e-am jab hue muddai to savab-e-sidq-o-safa gaya
Abhi badban ko tah rakho abhi muztarib hai rukh-e-hava
Kisi raste mei hai muntazir vo sukun jo aa ke chala gaya
No comments
Post a Comment