Vafa-e-vada nahin vada-e-digar bhi nahin
Vo mujh se ruthe to the lekin is qadar bhi nahin
Baras rahi hai harim-e-havas mei daulat-e-husn
Gada-e-ishq ke kaase mei ik nazar bhi nahin
Na jaane kis liye ummid-var baitha huun
Ik aisi raah pe jo teri rahguzar bhi nahin
Nigah-e-shauq sar-e-bazm be-hijab na ho
Vo be-khabar hi sahi itne be-khabar bhi nahin
Ye ahd-e-tark-e-mohabbat hai kis liye akhir
Sukun-e-qalb udhar bhi nahin idhar bhi nahin
No comments
Post a Comment