Tere gham ko jaan ki talash thi tere jan-nisar chale gae
Teri rah mei karte the sar talab sar-e-rahguzar chale gae
Teri kaj-adai se haar ke shab-e-intizar chali gai
Mere zabt-e-hal se ruuth kar mere gham-e-gusar chale gae
Na saval-e-vasl na arz-e-gham na hikayaten na shikayaten
Tere ahd mei dil-e-zar ke sabhi ikhtiyar chale gae
Ye haim the jin ke libas par sar-e-rah siyahi likhi gai
Yahi daagh the jo saja ke ham sar-e-bazm-e-yar chale gae
Na rha junun-e-rukh-e-vafa ye rasan ye daar karoge kya
Jinhen jurm-e-ishq pe naaz tha vo gunahgar chale gae
No comments
Post a Comment