Tapish se meri vaqf-e-kashmakash har tar-e-bistar hai
Mera sar ranj-e-balin hai mera tan bar-e-bistar hai
Sarishk-e-sar ba-sahra daada nur-ul-ain-e-bistar hai
Dil-e-be-dast-o-pa uftada bar-khurdar-e-bistar hai
Khusha iqbal-e-ranjuri ayadat ko tum aae ho
Farogh-e-sham-e-balin tala-e-bedar-e-bistar hai
Ba-tufan-gah-e-josh-e-iztirab-e-sham-e-tanhai
Shua-e-aftab-e-subh-e-mahshar tar-e-bistar hai
Abhi aati hai bu balish se us ki zulf-e-mushkin ki
Hamari diid ko khvab-e-zulekha ar-e-bistar hai
Kahun kya dil ki kya halat hai hijr-e-yar mei 'Ghalib'
Ki betabi se har-yak tar-e-bistar khar-e-bistar hai
No comments
Post a Comment